Kompyuter injiniringi va raqamli texnologiyalar kafedrasi jamoasi nomidan tabrik!
Kompyuter injiniringi va raqamli texnologiyalar kafedrasi jamoasi iqtisodiyot fanlari bo‘yicha mustaqil izlanuvchi Qosimov Sardor Dilmurodovichni 08.00.15 – Tadbirkorlik va kichik biznes iqtisodiyoti ixtisosligi bo‘yicha tayyorlagan “Kichik biznes va xususiy tadbirkorlikni rivojlantirishda infratuzilma salohiyatidan samarali foydalanish yo‘llari (Andijon viloyati misolida)” mavzusidagi falsafa doktori (PhD) dissertatsiyasi himoyasi munosabati bilan samimiy muborakbod etadi.
Mazkur tadqiqot bugungi kunda mamlakatimiz iqtisodiy taraqqiyotining muhim omillaridan biri bo‘lgan kichik biznes va xususiy tadbirkorlikni rivojlantirish masalalariga bag‘ishlangan bo‘lib, tadbirkorlik subyektlarining infratuzilma imkoniyatlaridan samarali foydalanish mexanizmlarini ilmiy asoslashga xizmat qiladi. Tadqiqotda biznesni qo‘llab-quvvatlovchi bozor, sanoat, huquqiy, ijtimoiy va ayniqsa raqamli infratuzilmaning tadbirkorlik rivojiga ta’siri chuqur tahlil qilingan.
Dissertatsiyaning muhim ilmiy natijalaridan biri sifatida tadbirkorlik subyektlari va infratuzilma obyektlari o‘rtasidagi hududiy moslikni baholash imkonini beruvchi “Kichik biznes uchun infratuzilmaviy moslik xaritasi” nomli interaktiv geografik axborot tizimi (GAT) dasturiy modeli ishlab chiqilgan. Ushbu model tadbirkorlarga yangi biznesni qaysi hududda tashkil etish maqsadga muvofiqligini aniqlash, davlat organlariga esa infratuzilma investitsiyalarini yanada samarali rejalashtirish imkonini beradi.
Tadqiqotning yana bir ahamiyatli jihati shundaki, unda raqamli infratuzilmaning rivojlanganlik darajasini baholash mezonlari ishlab chiqilib, uning tadbirkorlarning innovatsion faolligiga ta’siri ilmiy asosda yoritilgan. Bu esa hududlarni raqamlashtirish jarayonlarini samarali tashkil etish, yangi ish o‘rinlarini yaratish va iqtisodiy o‘sishni jadallashtirish uchun muhim ilmiy-amaliy asos bo‘lib xizmat qiladi.
Tadqiqot natijalari nafaqat Andijon viloyati, balki respublikaning boshqa hududlarida ham tadbirkorlikni rivojlantirish, infratuzilmaviy nomutanosibliklarni aniqlash, investitsiyalar samaradorligini oshirish va iqtisodiy resurslarni oqilona taqsimlashda keng foydalanish imkoniyatiga ega. Shu jihatdan mazkur ilmiy ish mamlakatimizda tadbirkorlik muhitini yanada yaxshilash, aholi bandligini oshirish va hududlar iqtisodiy salohiyatini mustahkamlashga xizmat qiladigan muhim tadqiqotlardan biridir.
Qosimov Sardor Dilmurodovichga dissertatsiya himoyasining muvaffaqiyatli o‘tishini, ilm-fan yo‘lidagi izlanishlarida ulkan yutuqlar, mustahkam sog‘lik va yangi ilmiy marralar tilaymiz.
Kompyuter injiniringi va raqamli texnologiyalar kafedrasi jamoasi.
2026-yil 9-iyun kuni Qo‘qon universiteti Andijon filiali IT va ijtimoiy-gumanitar fakulteti Kompyuter injiniringi va raqamli texnologiyalar kafedrasi dotsent v.v.b. Alimqulov Nurmuhammad Muqumjon o‘g‘li o‘zlarining tavallud ayyomlarini nishonlamoqdalar.
2026-yil 6-iyun kuni Qo‘qon universiteti Andijon filiali jamoasi uchun unutilmas va yutuqlarga boy kun bo‘ldi. Bir tomondan ilm-fan yo‘lida muhim natija qo‘lga kiritilgan bo‘lsa, ikkinchi tomondan sun’iy intellekt sohasidagi nufuzli musobaqada universitet vakillari yuksak natijalarni qayd etdilar.
Qoʻqon universiteti Andijon filiali Kompyuter injiniringi va raqamli texnologiyalar kafedrasida bayram shukuhi davom etmoqda
9-may – Xotira va qadrlash kuni munosabati bilan Qoʻqon universiteti Andijon filiali jamoasi uchun Andijon shahridagi Med City sihatgohida keng koʻlamli madaniy-maʼrifiy va sport tadbirlari tashkil etildi. Ushbu bayram tadbiri professor-oʻqituvchilar, xodimlar hamda ularning oila aʼzolarini bir davrada jamlab, koʻtarinki kayfiyat va samimiy muhitda oʻtkazildi.
2026-yil 22-aprel kuni Qoʻqon universiteti Andijon filiali Kompyuter injiniringi va raqamli texnologiyalar kafedrasi oʻqituvchisi Shamsitdinov Saloxiddin Kamardinich tomonidan Kompyuter injiniringi yoʻnalishi 2-kurs talabalari uchun “Maʼlumotlar bazasini boshqarish tizimlari” fanidan ochiq dars mashgʻuloti tashkil etildi.
Bugun, 2026-yil 21-aprel kuni Qoʻqon universiteti Andijon filiali Kompyuter injiniringi va raqamli texnologiyalar kafedrasi oʻqituvchisi Muratova Zulfizar Axmadjonovnaga PhD diplomini tantanali ravishda topshirish marosimi ko‘tarinki ruh, samimiyat va faxr tuyg‘ulari ila bo‘lib o‘tdi. Ushbu unutilmas lahzalarda kafedra jamoasi, ustozlar va hamkasblar bir davrada jam bo‘lib, ilm yo‘lida erishilgan bu yuksak natijani qalbdan quvonib, birgalikda nishonladilar.
Bugun, 2026-yil 16-aprel kuni Qoʻqon universiteti Andijon filialida «Kitob chellenji» tadbiri boʻlib oʻtdi.
Bugun 08.04.2026-yil kuni Qo'qon universiteti Andijon filiali IT va ijtimoiy fanlar fakulteti Kompyuter injiniringi va raqamli tehnologiyalar kafedrasi dotsenti Komiljonov Nurmuxammadjon Alimjonovich tavallud ayyomlarini nishonlamoqdalar.
Bugun Qoʻqon universiteti Andijon filiali Kompyuter injiniringi yo'nalishi 2-kurs talabalari ishlab chiqarish amaliyotiga yo'naltirildi.
Qoʻqon universiteti Andijon filiali Kompyuter injiniringi va raqamli texnologiyalar kafedrasida yana bir tug'ilgan kun nishonlanmoqda
Qoʻqon universiteti Andijon filiali Kompyuter injiniringi va raqamli texnologiyalar kafedrasida bayram shukuhi davom etmoqda
Qoʻqon universiteti Andijon filialida Navroʻz tadbiri boʻlib oʻtdi.
Muratova Zulfizar Axmadjonovnaning 05.06.02 – Toʻqimachilik materiallari texnologiyasi va xomashyoga dastlabki ishlov berish ixtisosligi boʻyicha, “Ipakning tolali chiqindilaridan tibbiyotda qoʻllaniladigan notoʻqima matolarni ishlab chiqarish texnologiyasini takomillashtirish” mavzusida, texnika fanlari boʻyicha falsafa doktori (PhD) ilmiy darajasini olish uchun yozilgan dissertatsiya ishining himoyasi Namangan davlat texnika universiteti huzuridagi DSc.03/2025.27.12.T.15.03 raqamli Ilmiy kengashning 2026-yil 7-fevral kuni soat 10:00 dagi majlisida boʻlib oʻtdi
Xabibullayeva Irodaxon Dilshod qizining 13.00.06 – Raqamli ta’lim nazariyasi va metodikasi ixtisosligi bo‘yicha “Bo‘lajak boshlang‘ich sinf o‘qituvchilarida raqamli resurslarni yaratish kompetentligini rivojlantirishning dasturiy ta’minotini takomillashtirish” mavzusidagi pedagogika fanlari bo‘yicha falsafa doktori (PhD) ilmiy darajasini olish uchun yozilgan dissertatsiya ishi himoyasi O‘zbekiston milliy pedagogika universiteti, DSc.01/2025.27.12.Ped.03.03 raqamli Ilmiy kengashning 2026-yil 6-fevral kuni soat 8:00 dagi majlisida bo‘lib o‘tdi.